ما كنت احس اني مع الوقت بنساك ،،،
وانا الذي ماقد لحظه نسيتك !!
---
كنت اعشقك .. واحن .. وافرح بلقياك ،،،
واليا استضاق الوقت فيني نصيتك
---
ماشوف غيرك .. من يعادل حلاياك !! ،،،
كنت الامل .. والحب كله عطيتك
---
افرح بشوفك وان تباطيت بنصاك ،،،
وعنيت رجلي لجل اشوفك وجيتك
---
ماهمني طول المسافات وياك ،،،
الشوق يقربني و اجي عند بيتك
---
اوقف بعيد .. وانتظر .. واتحراك ،،،
يكفي اشوف البيت لو ما لقيتك
---
عطيتك اليمنى ومديت يمناك ،،،
وعلى الوفى [يمناي] تشهد وفيتك
---
طرياك يسعدني ويازين طرياك ،،،
ولا ظاق صدري ياحبيبي طريتك
---
واليوم يا خاين تناسيت ذكراك ،،،
ولا تنصدم من ذكرياتي محيتك !!
---
ما عدت تعنيني بعد خنت مبداك ،،،
ومن صفحت ايامي تراني طويتك---
بعد الخيانه .. مرخصينك وبعناك ،،،
من كنت عالي .. في وطايا وطيتك !!
---
يا للأسف !! غريـتني في مزاياك ،،،
وانا الذي بجفون عيني رعيتك---
حبي تبدل يشهد الله [كرهناك] ،،،
ولا تحسب اني من فراقك بكيتك
---
انا عزيز النفس ماخضع لشرواك ،،،
ان عفتني عفتك .. لو اني بغيتك
---
[غلطة حياتي] يوم اقدرك واهواك ،،،
بديت حبك واعرف اني نهيتك !!
